مسوولان محلی در ولایت تخار میگویند که تحقیقات درباره حمله جنگندههای تاجیکستانی بر مواضع طالبان در ولسوالی درقد آغاز شده است.
به گزارش خبرگزاری جمهور؛ صبح امروز دوشنبه (5 سنبله) گزارشهایی به نشر رسید که جنگندههای روسی مناطق مرزی میان افغانستان و تاجیکستان را بمباران کردهاند.
اما جواد هجری سخنگوی والی تخار میگوید که جنگندههای تاجیکستانی مواضع طالبان را در ولسوالی درقد هدف قرار داده اند.
آقای هجری به خبرگزاری جمهور گفت که جنگندههای تاجیکستانی عصر روز گذشته مواضع طالبان را در ولسوالی درقد ولایت تخار بمباران کردند.
وی تصریح نمود:" ساعت 5:30 عصر دیروز مخالفان مسلح و مافیای مواد مخدر دو تن از مرزبانان تاجیکستانی را در قریه کهنه خانه ولسوالی درقد به قتل رساندند."
سخنگوی والی تخار افزود:" مرزبانان تاجیکستانی در واکنش به کشته شدن دو تن ازهمکاران شان توسط مخالفین دولت افغانستان، ساعت 7 عصر دیروز حملات هوایی و زمینی خویش را در ولسوالی درقد آغازکرده است."
آقای هجری بیان داشت که تا هنوز جزئیات کامل از بمباران جنگیدههای تاجیکستانی در دست نیست اما احتمالا تلفات زیادی به مافیای مواد مخدر و مخالفان مسلح وارد شده است.
وی گفت:" قریه کهنه خان ولسوالی درقد یک ساحه مشترک بین افغانستان و تاجیکستان است و این ساحه در حال حاضر از کنترول دولت افغانستان خارج است."
او با بیان اینکه نیروهای نظامی تاجیکستان بدون هماهنگی با دولت افغانستان بالای ولسوالی درقد حملات هوایی راه اندازی کردهاند، گفت:" مقامات محلی ولایت تخار تحقیقات در این مورد آغاز کرده است و جزئیات آن را به رسانهها شریک خواهد ساخت."
این اولین بار است که نیروهای هوایی تاجیکستان مواضع مخالفان حکومت افغانستان را هدف قرار میدهند.
محمدرقیب فیاض- خبرگزاری جمهور
↧
