| راپورونه وايي، د افغانستان د دفاع وزارت د پخواني وزیر ستر جنرال عبدالرحیم وردګ مشر زوی په پلازمېنه کابل کې وژل شوی دی.د جمهور آژآنس د خبر له مخې ویل کېږي، د ښاغلي وردګ مشر زوی ډاکتر خالد د کابل ښار د کارته سه په سیمه کې په مرموز ډول وژل شوی.سترجنرال عبدالرحیم وردګ ته یوې نېږدې سرچینې پژواک ته ویلي، چې ډاکتر خالد په خپل کور کې په ډزو سره وژل شوی دی، خو په دې اړه یې نور معلومات نه دي ورکړي.تر اوسه دا هم نه ده معلومه چې دغه پېښه د کورني تاوتریخوالي له امله رامنځ ته شوې او که کومه ترهګره پېښه وه.د کابل امنیتي چارواکو هم تر اوسه پورې په دې اړه څه نه دي ویلي.جمهور آژآنس:کابل |  |
↧
د ملي دفاع د پخواني وزیر جنرال عبدالرحیم وردګ زوی وژل شوی
↧
