| د ننګرهار چارواکي وايي، وسله والو طالبانو په دغه ولایت کې د داعش وسله والو دوه مهم قوماندانان قادر او نصیر وژلي دي.د جمهور آژانس د خبر له مخې د ننګرهار د والي ویاند عطاالله خوږیاڼی وايي، پېښه په بټي کوت ولسوالۍ کې رامنځ ته شوې ده.نوموړی وايي، طالبانو د داعش ډلې دغه قوماندانان په مومندرې ولسوالۍ کې نیولي او وروسته یې په بټي کوت ولسوالۍ کې وژلي دي.د خوږیاني د معلوماتو پر اساس قادر د داعش د پنځوس کسیزه ډلې قوماندان و، چې د ګڼو ولسي وګړو او وسله والو طالبانو په وژلو کې یې لاس درلود.خو داعش ډلې تر اوسه په دې اړه څه نه دي ویلي.جمهورآژانس:کابل |  |
↧
طالبانو د داعش دوه مهم قوماندانان وژلي دي
↧
