د اسلامي همکاریو سازمان راغلی پلاوی وايي، دغه سازمان د افغانستان له اسلامي امارت سره په مثبت تعامل باور لري.
د اسلامي همکاریو سازمان پلاوي د خپلو لیدنو په لړ کې پرون چهارشنبې د وږي ۱۵ مه ماښام مهال د طالبانو د بهرنیو چارو سرپرست وزیر مولوي امیرخان متقي سره ولیدل.
یاد پلاوي په دغه لیدنه کې ویلي، د اسلامي همکاریو سازمان له امارت سره په مثبت تعامل باور لري او له دغه هېواد سره خپلو همکاریو ته دوام ورکوي.
امیرخان متقي ویلي، د افغانستان حکومت په سیاسي، اقتصادي، فرهنګي او تعلیمي برخو کې مثبت تعامل ته ځانګړې پاملرنه لري.
جمهورخبري آژانس
↧
