منابع محلی در ولایت تخار گفته اند که نیروهای تاجیکستان 3 قاچاقبر موادمخدر که دو تن آنان طالب بوده را کشتهاند.
این منابع روز شنبه 6 حوت، گفته اند که این قاچاقبران موادمخدر زمانی مورد هدف نیروهای مرزی تاجیکستان قرار گرفتند که از مسیر روستای بوستان ولسوالی درقد ولایت تخار، داخل خاک تاجیکستان شده بودند.
به گفته منابع، دو تن از نیروهای طالبان نیز در جمع قاچاقبران موادمخدر هستند.
منابع افزوده اند که اجساد دو تن از این قاچاقبران در دریای آمو غرق شده که جسد یک تن آنان در ولسوالی خواجهغار تخار از آب، بیرون کشیده شده و جسد دیگری هنوز ناپدید است.
گفتنی است که ولسوالیهای درقد، دشت قلعه، خواجهبهاوالدین، چاهآب و خواجهغار تخار، با تاجیکستان هممرز اند.
خبرگزاری جمهور
↧
